Salla jonë zë një hapësirë prej 860 m² dhe ka hollin hyrës, banakun, 2 gardëroba (secila e pajisur me nga 6 dushe dhe 3 toalete), pjesën për aerobik dhe pjesën kryesore për fitnes. Ka sistemin më bashkëkohor të ventilimit, ngrohjes, ajrosjes dhe klimatizimit. Lartësia e sallës është 6 metra duke ofruar kështu hapesirë të mjaftueshme ajri. Poashtu ka edhe hapërirë të mjaftueshme parkingu (për 80 vetura) i cilli është i dedikuar vetëm për anetarët e fitnes qendrës sonë “GYM”.

Salla është e pajisur edhe me KARDIO-mjete (Biçikleta statike, “crosser-a”, spinning-biçikletë dhe shirita vrapimi digjital), të cilat e monitorojnë gjendjen e trupit (punën e zemrës/pulsin, sforcimin fizik dhe kaloritë e harxhuara gjatë ushtrimeve) dhe në mvarësi nga gjendja fizike e trupit këto makina shpejtojnë gjegjësisht ngadalsojnë tempon në mënyrë që të evitohet ndonjë tejngarkim i trupit.

Ndërkaq, orari i punës do të jetë prej orës 06:00 deri në 24:00 që do të thotë 18 orë në ditë, çdo ditë të javës dhe pa përjashtime të ditëfestave (365 ditë në vit).Brenda këtij orari anëtarët do të mund t’i vijojnë ushtrimet brenda ditës sa herë që të dojnë, kurdo që të dojnë dhe të qëndrojnë aty për sado kohë që të dojnë; me fjalë tjera, pa ndonjë kufizim kohor të çfardo lloji qoftë. Qasja e hapësirave të klubit do të realizohet përmes sistemeve më të avansuara - me skenimin e shenjave te gishtërinjëve.